Back New York Mining Disaster 1941 German New York Mining Disaster 1941 English New York Mining Disaster 1941 Finnish New York Mining Disaster 1941 French New York Mining Disaster 1941 Italian New York Mining Disaster 1941 Dutch New York Mining Disaster 1941 Portuguese New York Mining Disaster 1941 Swedish
New York Mining Disaster 1941 (Gwallreuz mengleuz New York 1941) a zo ur ganaouenn saoznek krouet e 1967 gant an daou vreur Barry (1946-) ha Robin Gibb (1949-2012) evit Bee Gees, ar strollad sonerezh pop aostralian-breizhveuriat a oant izili anezhañ.
E studioioù an International Broadcasting Company (IBC) e Londrez e oa bet enrollet gant ar strollad d'ar 7 a viz Meurzh 1967 e-touez teir c'hanaouenn all — I Can't See Nobody, Red Chair, Fade Away ha Turn of the Century — hag ac'h eas d'ober ul lodenn eus e drede albom studio Bee Gees' 1st[1].
Ouzhpenn Barry (kaner ha soner gitar) ha Robin (pennkaner) e kemeras perzh :
o breur Maurice Gibb (1949-2003, kaner ha soner gitar-boud)
hag ar soner taboulinoù Colin Petersen[2] (1946-) ivez.
Kempennet e voe hag ouzhpennet binvioù sonerezh all outi gant Phil Dennys d'an 13 a viz Meurzh.
D'ar 14 a viz Ebrel da-heul ez eas e-maez ar ganaouenn evel tu A ur bladennig hag a zalc'he I Can't See Nobody war hec'h eil tu. Petra bennak ma oa bet krouet Bee Gees kenkent ha 1958 ne oa ket gwall anavezet ar strollad e Bro-Saoz : ma klevjod ar vrud e oa bet enrollet New York Mining Disaster 1941 gant The Beatles, al lizherennoù B ha G o talvezout kement ha Beatles Group...
- ↑ Embannet d'ar 14 a viz Gouere 1967 er Rouantelezh-Unanet.
- ↑ Ar wech kentañ e oa dezhañ seniñ gant Bee Gees ent-ofisiel.